AP weather, NewzFast Telugu (ఆంధ్రప్రదేశ్): ఆగ్నేయ బంగాళాఖాతంలో ఏర్పడిన అల్పపీడనం వాయుగుండంగా మారి నవంబర్ 1 శనివారం బలపడుతోంది. ఇది నవంబర్ 2 ఆదివారం తీవ్ర వాయుగుండంగా, నవంబర్ 3 సోమవారం నాటికి తుపానుగా మారనుంది.
వాతావరణ శాఖ అంచనా ప్రకారం, నవంబర్ 4 మంగళవారం నాడు ఈ తుపాను కావలి సమీపంలో తీరం దాటే అవకాశం ఉంది.
ఈ తుపాను ప్రభావంతో కోస్తా మరియు రాయలసీమ జిల్లాల్లో భారీ నుంచి అతి భారీ వర్షాలు కురుస్తాయని వాతావరణ శాఖ హెచ్చరించింది. తుపాను ప్రభావంతో గంటకు 100 కిలోమీటర్ల వేగంతో ఈదురుగాలులు వీస్తాయని స్పష్టం చేశారు.
ముఖ్యంగా కృష్ణా, గుంటూరు, బాపట్ల అనే మూడు జిల్లాలకు రెడ్ అలర్ట్ జారీ చేయడం జరిగింది.
ప్రమాద హెచ్చరికల నేపథ్యంలో ఈ జిల్లాల్లోని ప్రజలు అత్యవసరమైతే తప్ప బయటకు రావద్దని అధికారులు సూచించారు. లోతట్టు ప్రాంతాల ప్రజలను సురక్షిత ప్రదేశాలకు తరలించే ఏర్పాట్లు వేగంగా జరుగుతున్నాయి.
సముద్రం తీవ్ర అల్లకల్లోలంగా మారే అవకాశం ఉన్నందున మత్స్యకారులు ఎవరూ వేటకు వెళ్లవద్దని కఠిన ఆదేశాలు జారీ అయ్యాయి. ఇప్పటికే సముద్రంలోకి వెళ్లిన వారు తక్షణమే సమీప తీరాలకు చేరుకోవాలని అధికారులు కోరారు.
ప్రాణనష్టం జరగకుండా ప్రభుత్వం అన్ని ముందస్తు జాగ్రత్త చర్యలు తీసుకుంటోంది.
