ఐ యామ్ గేమ్ , NewzFast Telugu: మలయాళీ స్టార్ హీరో దుల్కర్ సల్మాన్ నటించిన తాజా డిఫరెంట్ ఫాంటసీ థ్రిల్లర్ ‘ఐ యామ్ గేమ్’ డిజిటల్ స్ట్రీమింగ్‌కు సిద్ధమైంది. నహాస్ హిదయత్ దర్శకత్వం వహించిన ఈ చిత్రంలో కాయదు లోహర్ హీరోయిన్‌గా నటించగా, తుపాకి నివేదిక ప్రకారం ఈ సినిమా నవంబర్ 6న జియో హాట్‌స్టార్‌లో ఐదు భాషల్లో స్ట్రీమింగ్ కానుంది.
అక్టోబర్ 3న థియేటర్లలో విడుదలైన ఈ సినిమా బాక్సాఫీస్ వద్ద ఆశించిన స్థాయిలో మెప్పించలేకపోయింది. దీంతో థియేట్రికల్ రన్ ముగియకముందే, విడుదలైన నెల రోజులకే ఈ మూవీ ఓటీటీకి వస్తోంది.
తెలుగు, తమిళ, మలయాళ, హిందీ, కన్నడ భాషల్లో ఈ చిత్రం అందుబాటులో ఉండనుంది.
కథా నేపథ్యం
డ్యాన్ (దుల్కర్ సల్మాన్) ఒక రిచ్ కిడ్. గ్యాంబ్లింగ్, క్రికెట్ బెట్టింగ్‌లకు అలవాటుపడి లక్షల రూపాయలు పోగొట్టుకుంటాడు.
తల్లి దాచుకున్న రూ. 60 లక్షలను కూడా బెట్టింగ్‌లో పెట్టి నష్టపోతాడు.
బెట్టింగ్ నిర్వాహకులతో గొడవపడి కారులో పారిపోతున్న సమయంలో జరిగిన ప్రమాధంలో కుడి చేతిని కోల్పోతాడు. డాక్టర్లు వేరొకరి చేయిని డ్యాన్‌కు అమర్చుతారు.
అయితే డ్యాన్ చెప్పకుండానే ఆ కుడి చేయి తనంతట తానుగా ఇష్టంలేని పనులన్నీ చేయడం మొదలుపెడుతుంది.
ఈ చిత్రంలో డ్యాన్ పాత్రలో దుల్కర్ సల్మాన్ రెండు డిఫరెంట్ వేరియేషన్స్‌లో అద్భుతమైన నటన కనబరిచారు. కయాదు లోహర్, ఆంటోనీ వర్గీస్, మిస్కిన్ తదితరులు కీలక పాత్రల్లో నటించారు.
థియేటర్లలో ఈ సినిమాను మిస్ అయిన ప్రేక్షకులు నవంబర్ 6 నుంచి జియో హాట్‌స్టార్‌లో వీక్షించవచ్చు.
