బంగారు నిధి, NewzFast Telugu (ఆస్ట్రేలియా): అదృష్టం ఎప్పుడు ఏ రూపంలో తలుపు తడుతుందో చెప్పలేమనే సామెత ఆస్ట్రేలియాలో నిజమైంది. న్యూ సౌత్ వేల్స్ ప్రాంతంలో మెటల్ డిటెక్టర్ పట్టుకుని రోజూ అన్వేషణ చేసే ఓ సాధారణ వ్యక్తిని అదృష్టం వరించింది.
TV9 తెలుగు కథనం ప్రకారం, టిబూబురా సమీపంలోని మౌంట్ స్టువర్ట్ స్టేషన్ ప్రాంతంలో త్రవ్వకాలు జరుపుతున్న అతనికి ఏకంగా 1.2 కిలోల బరువున్న బంగారు గడ్డ దొరికింది.
ఎన్నో ఏళ్లుగా ఖనిజాల కోసం అన్వేషిస్తున్న ఆ వ్యక్తికి ప్రతిసారీ నిరాశే ఎదురైంది. అయితే ఈసారి ‘గోల్డ్ మాన్‌స్టర్ 2000’ మెటల్ డిటెక్టర్ నుంచి భిన్నమైన శబ్దం వచ్చింది.
అనుమానంతో మట్టిని తొలగించి చూడగా అక్కడ బంగారు గడ్డ మెరుస్తూ కనిపించింది. నిపుణులు ఈ బంగారు గడ్డను పరిశీలించి, ఇందులో 940 గ్రాముల స్వచ్ఛమైన బంగారం ఉన్నట్లు తేల్చారు.
అంతర్జాతీయ మార్కెట్‌లో దీని విలువ 1,50,000 నుండి 1,60,000 ఆస్ట్రేలియన్ డాలర్లు (భారతీయ కరెన్సీలో సుమారు రూ. 1.5 కోట్ల నుంచి రూ.
2 కోట్ల వరకు) ఉంటుందని అంచనా వేస్తున్నారు.
స్థానికంగా ఈ అరుదైన నిధికి ‘టిబూబురా స్పౌడ్’ అని పేరు పెట్టారు. సాధారణంగా ఇంత పెద్ద మొత్తంలో బంగారు గడ్డ దొరకడం అత్యంత అరుదని నిపుణులు పేర్కొన్నారు.
ఈ బంగారాన్ని పురాతన వస్తువులను సేకరించేవారికి విక్రయించే ఆలోచనలో ఆ వ్యక్తి ఉన్నట్లు సమాచారం.
