ఇన్‌ఫ్లుయెన్స‌ర్ల విధానం, NewzFast Telugu (అమరావతి): సోషల్ మీడియా ఇన్ఫ్లుయెన్సర్లకు ప్రాధాన్యం ఇస్తున్నట్లు రాష్ట్ర ప్రభుత్వం గతంలోనే ప్రకటించింది. వీరి నియామకం, పారితోషికం మరియు సేవల వినియోగంపై ఒక ప్రత్యేక కమిటీని కూడా ఏర్పాటు చేశారు.
తూపాకి అందించిన నివేదిక ప్రకారం, ఈ విధానంపై ప్రభుత్వం జీవో జారీ చేసి అభ్యంతరాలు కోరినప్పటికీ ఎటువంటి వ్యతిరేకత గానీ, న్యాయపరమైన వివాదాలు గానీ రాలేదు.
అయితే క్షేత్రస్థాయిలో ఇన్‌ఫ్లుయెన్స‌ర్ల పరిస్థితి కంటే చిన్నతరహా మీడియా ప్రభావం ఎక్కువగా ఉంటోందని డైలీ, వీక్లీ పత్రికల యాజమాన్యాలు ప్రభుత్వానికి మెమొరాండం సమర్పించాయి. కూటమి ప్రభుత్వం చేస్తున్న మంచిని ప్రజల్లోకి తీసుకువెళ్తున్న తమ ఉపాధి దెబ్బతింటుందని, ఇన్‌ఫ్లుయెన్స‌ర్ల కంటే తమ ప్రచారమే ఎక్కువగా చేరుతోందని మంత్రి లోకేష్‌ను కలిసి వారు విన్నవించినట్లు సమాచారం.
అయినప్పటికీ విధానపరమైన నిర్ణయం తీసుకున్నందున ప్రభుత్వం ముందుకు సాగాలని భావిస్తోంది.
మరోవైపు, స్థానిక ఎన్నికల కంటే ముందే ఇన్‌ఫ్లుయెన్స‌ర్లను వినియోగించుకోవాలని భావించినప్పటికీ, ఎన్నికల వేళ వారిని రంగంలోకి దించితే న్యాయపరమైన చిక్కులు వస్తాయనే ఉద్దేశంతో ఆ ఆలోచనను వాయిదా వేసినట్లు తెలుస్తోంది. ఎంపీటీసీ, జెడ్పీటీసి, గ్రామ పంచాయతీ ఎన్నికల ప్రక్రియ ముగిసిన తర్వాత డిసెంబర్ నాటికి ఇన్ఫ్లుయెన్సర్లకు బాధ్యతలు అప్పగించే అవకాశం ఉందని, తద్వారా రాబోయే అసెంబ్లీ ఎన్నికలను లక్ష్యంగా వారి సేవలను వినియోగించుకోవాలని ప్రభుత్వం ప్రణాళిక సిద్ధం చేస్తున్నట్లు సమాచారం.
