హీరోయిన్ సునయన , NewzFast Telugu (Filmibeat Telugu): ప్రముఖ నటి సునయన పేరుతో సోషల్ మీడియాలో వైరల్ అవుతున్న ఓ అసభ్యకర వీడియో తీవ్ర కలకలం రేపింది. డిజిటల్ యుగంలో సాంకేతికత పెరుగుతుండటంతో పాటు, దాని దుర్వినియోగం కూడా ఆందోళన కలిగిస్తోందని, ముఖ్యంగా ఏఐ (ఆర్టిఫిషియల్ ఇంటెలిజెన్స్) మరియు మార్ఫింగ్ టెక్నాలజీలను ఉపయోగించి సెలబ్రిటీలను టార్గెట్ చేస్తున్నారని సమాచారం.
తాజాగా తనను పోలిన అసభ్యకర వీడియో సోషల్ మీడియాలో వైరల్ అవుతుండటంపై సునయన స్పందించారు. తన ముఖాన్ని ఏఐ సాయంతో మార్ఫింగ్ చేసి ఈ వీడియోను తయారు చేశారని ఆమె ఆగ్రహం వ్యక్తం చేశారు.
ఈ వీడియోతో తనకు ఎలాంటి సంబంధం లేదని, ఇది పూర్తిగా ఫేక్ అని స్పష్టం చేశారు. తన గౌరవం, గోప్యతను దెబ్బతీసే ఈ చర్యపై ఆమె తీవ్ర నిరసన తెలిపారు.
ఈ వీడియోను రూపొందించిన వారితో పాటు దాన్ని షేర్ చేసే వారిపైనా చట్టపరమైన చర్యలు తప్పవని సునయన సీరియస్ వార్నింగ్ ఇచ్చారు. తన అనుమతి లేకుండా అసభ్యకర కంటెంట్ లో తన ముఖాన్ని ఉపయోగించడం లైంగిక వేధింపుల కిందకు వస్తుందని పేర్కొన్నారు.
ఈ కంటెంట్ ను వెంటనే తొలగించాలని, ఎవరూ రీపోస్ట్ చేయవద్దని ఆమె అభిమానులకు, నెటిజన్లకు విజ్ఞప్తి చేశారు.
