అనిరుధ్ రెమ్యునరేషన్, NewzFast Telugu: తెలుగు సినిమా సంగీత రంగంలో కొన్నేళ్లుగా దేవిశ్రీ ప్రసాద్, తమన్ తమ ఆధిపత్యాన్ని ప్రదర్శించారు. అయితే మారుతున్న కాలానికి అనుగుణంగా ప్రస్తుతం తమిళ సంగీత దర్శకుడు అనిరుధ్ రవిచందర్ హవా అన్ని పరిశ్రమలకు పాకింది.
హీరోల మధ్యే కాకుండా మ్యూజిక్ డైరెక్టర్ల మధ్య కూడా పారితోషికాల పోటీ తీవ్రంగా నడుస్తోంది.
ఎన్టీవీ తెలుగు కథనం ప్రకారం, మూడేళ్ల క్రితం వరకు భారతదేశంలో అత్యధిక పారితోషికం తీసుకునే మ్యూజిక్ డైరెక్టర్‌గా ఏఆర్ రెహ్మాన్ ఉండేవాడు. రెహ్మాన్ ఒక్కో సినిమాకు రూ.10 కోట్ల నుంచి రూ.15 కోట్ల వరకు ఛార్జ్ చేస్తుండగా, అనిరుధ్ మాత్రం ఆ రికార్డును దాటేసి ఏకంగా రూ.25 కోట్ల వరకు పారితోషికం అందుకుంటున్నట్లు సమాచారం.
పెద్ద ప్రాజెక్ట్‌లకైతే ఆయన రూ.30 కోట్ల వరకు డిమాండ్ చేస్తున్నట్లు ప్రచారం జరుగుతోంది.
తెలుగులో ‘అజ్ఞాతవాసి’ సినిమాతో ప్రవేశించిన అనిరుధ్, ఆ తర్వాత ‘జెర్సీ’, ‘దేవర’ వంటి చిత్రాలతో టాలీవుడ్‌లో తనకంటూ ప్రత్యేక గుర్తింపు తెచ్చుకున్నారు. ఎన్టీఆర్, త్రివిక్రమ్ కాంబినేషన్‌లో వస్తున్న కొత్త సినిమాతో పాటు అల్లు అర్జున్ తదితర క్రేజీ ప్రాజెక్ట్‌లకు కూడా ఆయనే సంగీతం అందిస్తున్నారు.
కోలీవుడ్‌లో రజినీకాంత్, కమల్ హాసన్ సినిమాలతో పాటు షారుక్ ఖాన్ ‘కింగ్’ సినిమాకు కూడా అనిరుధ్‌ను ఎరికోరి ఎంపిక చేసుకుంటున్నట్లు సమాచారం.
